Sut i roi gwybod i ni am newidiadau i'ch practis deintyddol preifat a'ch gwasanaeth gofal iechyd annibynnol
Os ydych wedi eich cofrestru ag AGIC, mae'n rhaid i chi roi gwybod i ni yn ysgrifenedig cyn rhoi newidiadau penodol ar waith, sef:
- Newidiadau i'r Datganiad o Ddiben a'r Canllaw i Gleifion/Taflen Wybodaeth i Gleifion
- Newidiadau i'r person(au) cofrestredig
- Absenoldeb person cofrestredig
- Newidiadau i'r sefydliad
- Newidiadau i'r unigolyn/unigolion cyfrifol
- Newidiadau i'r gwasanaethau a ddarperir (triniaeth, cyfarpar, ystod oedran)
- Newidiadau i'r manylion cyswllt (e-bost/ffôn)
- Newid o ran enw'r Rheolwr Cofrestredig / Unigolyn Cyfrifol
- Person(au) cofrestredig yn cael ei ddyfarnu'n euog (eu dyfarnu'n euog) o drosedd
- Penodi datodwyr
- Marwolaeth person cofrestredig
Mae'r ffurflenni ar gyfer rhai o'r newidiadau uchod ar gael isod. Os nad oes ffurflen ar gael, e-bostiwch agic.cofrestru@llyw.cymru gan ddarparu manylion am y newid a byddwn yn cadarnhau'r camau y bydd angen i chi eu cymryd cyn y gellir rhoi'r newid hwnnw ar waith.
Sut i ddiddymu cofrestriad â ni
Os hoffech ddiddymu eich cofrestriad ag AGIC, bydd angen i chi anfon ffurflen cais i ddiddymu cofrestriad wedi'i chwblhau atom.
Sut i wneud newidiadau i'ch cofrestriad â ni neu ei amrywio
Os hoffech wneud newidiadau i'ch cofrestriad, bydd angen i chi anfon ffurflen cais i amrywio neu ddiddymu amod cofrestru presennol wedi'i chwblhau yn ogystal ag unrhyw ddogfennaeth ategol, gan gynnwys y Datganiad o Ddiben a'r Canllaw i Gleifion / Taflen Wybodaeth i Gleifion diweddaraf drwy Objective Connect - Os bydd angen i ni greu cyfrif ar eich cyfer, anfonwch e-bost i agic.cofrestru@llyw.cymru.
Mae ein proses ar gyfer asesu ceisiadau i amrywio neu ddiddymu amod cofrestru presennol yn debyg i'r ffordd rydym yn asesu ceisiadau newydd i gofrestru â ni. Pan fydd cais yn cael ei wneud am newidiadau sylweddol, bydd angen i ni ymweld â'r gwasanaeth fel rhan o'n hasesiad. Unwaith y byddwn wedi asesu'r cais, byddwn yn cadarnhau'r camau nesaf ac yn anfon anfoneb drwy e-bost ar gyfer y ffi sy'n daladwy.
Newidiadau i'r Unigolyn Cyfrifol
Os bydd yr Unigolyn Cyfrifol ar gyfer eich gwasanaeth yn newid, neu wedi newid, bydd angen i chi gwblhau a chyflwyno ffurflen newid gwybodaeth yr Unigolyn Cyfrifol yn ogystal â Datganiad o Ddiben a Chanllaw i Gleifion / Taflen Wybodaeth i Gleifion wedi'u diweddaru drwy Objective Connect - Os bydd angen i ni greu cyfrif ar eich cyfer, anfonwch e-bost i agic.cofrestru@llyw.cymru.
Ceir canllawiau ar y broses isod.
Newidiadau i'r Rheolwr Cofrestredig
Os yw'r Rheolwr Cofrestredig ar gyfer eich gwasanaeth yn newid, neu wedi newid, bydd angen i'r rheolwr newydd gyflwyno cais wedi'i gwblhau sy'n cynnwys y canlynol:
- Ffurflen cais i gofrestru fel rheolwr newydd gwasanaeth sydd eisoes wedi'i gofrestru wedi'i chwblhau'n llawn
- Datganiad o ddiben wedi'i ddiweddaru
- Canllaw i Gleifion / Taflen Wybodaeth i Gleifion wedi'u diweddaru
- Dau eirda personol
- Copi o dystysgrif geni
- Tystysgrif fanylach gan y Gwasanaeth Datgelu a Gwahardd (DBS), wedi'i chyhoeddi o fewn y tair blynedd diwethaf (wedi'i chynnal gan AGIC os ydych yn gwneud cais i reoli lleoliad gofal iechyd annibynnol). Os bydd angen pecyn cais DBS arnoch, byddwn yn ei anfon atoch drwy'r post ar ôl i ni dderbyn eich cais i gofrestru. Gellir dod o hyd i wybodaeth a chanllawiau ar wiriadau'r Gwasanaeth Datgelu a Gwahardd (DBS) yma
- Geirda meddygol (nid yw'n berthnasol i'r rhai sy'n gwneud cais i reoli practis deintyddol preifat)
Bydd ein proses ar gyfer asesu ceisiadau i gofrestru rheolwyr gwasanaethau sydd eisoes wedi'u cofrestru â ni yn cynnwys cynnal cyfweliad ‘unigolyn addas’. Byddwn yn cysylltu â chi i drefnu'r cyfweliad hwn ac yn darparu rhagor o wybodaeth ar ôl i ni gymeradwyo eich cais.
Mae canllawiau ar y broses ar gael yma.
Y gyfraith
Mae Rheoliadau 9 a 12 o Reoliadau Deintyddiaeth Breifat (Cymru) 2017 a Rheoliadau 10 a 13 o Reoliadau Gofal Iechyd Annibynnol (Cymru) 2011 yn disgrifio pwy sy'n gallu bod yn Unigolyn Cyfrifol a gofynion y rôl.
Mae Rheoliadau 11 a 12 o Reoliadau Deintyddiaeth Breifat (Cymru) 2017 a Rheoliadau 12 a 13 o Reoliadau Gofal Iechyd Annibynnol (Cymru) 2011 yn disgrifio'r gofynion ar gyfer rôl rheolwr.
Mae Rheoliadau 7 (b), 10(2), 26, 27, 28, 29 a 30 o Reoliadau Deintyddiaeth Breifat (Cymru) 2017 yn nodi bod yn rhaid i berson cofrestredig practis deintyddol preifat ein hysbysu yn ysgrifenedig pan fydd newidiadau yn digwydd.
Mae Rheoliadau 8(b), 11(2), 11(3), 14, 32, 33, 34 a 35 o Reoliadau Gofal Iechyd Annibynnol (Cymru) 2011 yn nodi bod yn rhaid i berson cofrestredig ysbyty annibynnol, clinig annibynnol neu asiantaeth feddygol annibynnol ein hysbysu yn ysgrifenedig pan fydd newidiadau yn digwydd.
Dogfennau
-
Ffurflen cais i Ddiddymu Cofrestriad , math o ffeil: DOC, maint ffeil: 406 KBCyhoeddedig:406 KB
-
Ffurflen cais i amrywio neu ddiddymu amod cofrestru presennol ar gyfer sefydliad , math o ffeil: DOC, maint ffeil: 407 KBCyhoeddedig:407 KB
-
Newid gwybodaeth yr Unigolyn Cyfrifol (UC) , math o ffeil: DOCX, maint ffeil: 103 KBCyhoeddedig:103 KB
-
Arweiniad – y wybodaeth i’w darparu pan fo Unigolion Cyfrifol yn newid , math o ffeil: PDF, maint ffeil: 688 KBCyhoeddedig:688 KB
-
Canllawiau – proses pan fydd newid o ran Rheolwr Cofrestredig (RhC) , math o ffeil: PDF, maint ffeil: 487 KBCyhoeddedig:487 KB
-
NE08 – Adolygu'r Datganiad o ddiben a chanllaw i gleifion , math o ffeil: DOC, maint ffeil: 460 KBCyhoeddedig:460 KB
-
NE08a – Hysbysiadau eraill , math o ffeil: DOC, maint ffeil: 500 KBCyhoeddedig:500 KB
-
NE09 – Penodi rheolwr , math o ffeil: DOC, maint ffeil: 460 KBCyhoeddedig:460 KB
-
NE010 – Hysbysiadau o droseddau , math o ffeil: DOC, maint ffeil: 463 KBCyhoeddedig:463 KB
-
NE011 – Absenoldeb person cofrestredig , math o ffeil: DOC, maint ffeil: 462 KBCyhoeddedig:462 KB
-
NE012 – Rhybudd of newid , math o ffeil: DOC, maint ffeil: 468 KBCyhoeddedig:468 KB
-
NE014 – Marwolaeth person cofrestredig , math o ffeil: DOC, maint ffeil: 462 KBCyhoeddedig:462 KB
-
Datganiad ar y defnydd o logo AGIC , math o ffeil: PDF, maint ffeil: 111 KBCyhoeddedig:111 KB