Rydym yn arolygu practisau deintyddol y GIG er mwyn sicrhau bod pobl yn cael gofal da.
Sut rydym yn arolygu
Rydym yn ystyried a yw practisau deintyddol y GIG yn gwneud y canlynol:
- Cyrraedd Safonau Ansawdd Iechyd a Gofal 2023
- Cydymffurfio â Rheoliadau Ymbelydredd Ïoneiddio (Cysylltiad Meddygol) 2017 (fel y'u diwygiwyd)
- Cyrraedd safonau proffesiynol perthnasol eraill a gweithredu'n unol â chanllawiau perthnasol eraill fel Safonau'r Cyngor Deintyddol Cyffredinol ar gyfer y Tîm Deintyddol a WHTM 01-05 – Dihalogi mewn practisau deintyddol gofal sylfaenol a gwasanaethau deintyddol cymunedol.
Fel arfer, rhoddir rhybudd cyn cynnal arolygiadau o bractisau deintyddol y GIG. Fel arfer, caiff gwasanaethau hyd at 12 wythnos o rybudd am arolygiad.
Cynhelir ein harolygiadau gan arolygydd o AGIC ac adolygydd allanol (deintydd) sydd â phrofiad diweddar o weithio ym maes deintyddiaeth.
Cyhoeddir canfyddiadau ein harolygiadau ar ein gwefan.
Os hoffech gopi o'n llyfrau gwaith arolygu, cysylltwch ag AGIC.arolygu@llyw.cymru gan nodi pa fath o lyfr gwaith arolygu sydd ei angen arnoch.
Dogfennau
-
Sut mae AGIC yn Arolygu Gwasanaethau Deintyddol , math o ffeil: PDF, maint ffeil: 1 MBCyhoeddedig:Maint y ffeil:1 MB