Rydym yn arolygu gwasanaethau anableddau dysgu yng Nghymru er mwyn sicrhau bod pobl yn derbyn gofal da.
Sut rydym yn arolygu
Rydym yn ystyried y ffordd y mae gwasanaethau yn:
- Cyrraedd Safonau Ansawdd 2023
- Cydymffurfio â Deddf Iechyd Meddwl 1983, Deddf Galluedd Meddyliol 2005, ac yn gweithredu'r Trefniadau Diogelu wrth Amddifadu o Ryddid
- Cyrraedd unrhyw safonau proffesiynol perthnasol eraill a gweithredu'n unol â chanllawiau proffesiynol perthnasol eraill lle y bo'n gymwys
Fel arfer, arolygiadau dirybudd a gynhelir o wasanaethau anableddau dysgu. Mae hyn yn ein galluogi i weld y gwasanaethau fel maent yn gweithredu fel arfer. Ni chaiff y gwasanaeth unrhyw rybudd ymlaen llaw am arolygiad dirybudd.
Cynhelir yr arolygiadau gan o leiaf un arolygydd o AGIC ac adolygydd allanol (sydd â phrofiad proffesiynol perthnasol). Bydd arolygwyr yn siarad â chleifion am eu profiadau o ofal.
Os hoffech gopi o'n gweithlyfr arolygu, cysylltwch â agic.arolygu@llyw.cymru gan nodi pa fath o weithlyfr arolygu sydd ei angen arnoch.