Adolygydd Cymheiriaid Nyrs Anabledd Dysgu Cofrestredig - Manyleb Swydd

Sefydliad: Arolygiaeth Gofal Iechyd Cymru

Rôl: Adolygydd Cymheiriaid Nyrsys Cofrestredig

Cyflog: £275 y dydd, ac amser teithio a threuliau teithio a chynhaliaeth

Hyd: Tair blynedd

Mae Arolygiaeth Gofal Iechyd Cymru (AGIC) yn rheoleiddio darparwyr Gofal Iechyd Annibynnol ac yn arolygu Gwasanaethau'r GIG yng Nghymru yn erbyn amrywiaeth o safonau, polisïau, canllawiau a rheoliadau er mwyn nodi meysydd y mae angen eu gwella.

Rydym yn defnyddio Adolygwyr Cymheiriaid Nyrsys Cofrestredig ar draws amrywiaeth o'n gweithgareddau, gan gynnwys arolygu, adolygu ac ymchwilio i wasanaethau Gofal Iechyd Annibynnol a gwasanaethau'r GIG ledled Cymru. Mae'r rhain yn cynnwys y canlynol, ymhlith eraill:

• Arolygiadau o Ysbytai Acíwt ac Ysbytai Cymunedol y GIG
• Arolygiadau o Wasanaethau Gofal Iechyd Annibynnol
• Arolygiadau o Unedau Iechyd Meddwl
• Arolygiadau o Wasanaethau Anableddau Dysgu
• Ymweliadau Cofrestru â Gwasanaethau Gofal Iechyd Annibynnol
• Adolygiadau Arbennig a Thematig.

Rydym yn chwilio am Nyrsys Anableddau Dysgu Cofrestredig â phrofiad o weithio yn y lleoliadau clinigol canlynol:

• Gwasanaethau Anableddau Dysgu
• Gwasanaethau Iechyd Meddwl
• Timau Anableddau Dysgu Cymunedol
• CAMHS.

Byddwn yn defnyddio gwybodaeth a sgiliau'r Adolygydd Cymheiriaid Nyrsys Cofrestredig i sicrhau bod ein gwaith yn seiliedig ar dystiolaeth, ymarfer a phrofiad cyfredol.  Bydd hyn yn ein helpu i amlygu ymarfer da ac i atgyfnerthu a rhannu cydymffurfiaeth â Safonau Gofal Iechyd o fewn y GIG a'r Sector Gofal Iechyd Annibynnol er mwyn rhoi sicrwydd i'r cyhoedd a gwella gwasanaethau i gleifion.

• Gweithio fel rhan o dîm Arolygu, gyda chymorth a chyfarwyddyd gan staff AGIC.
• Teithio ledled Cymru i arolygu'r amgylchedd ffisegol, polisïau/gweithdrefnau, cyfarpar, ardystiadau, cofnodion cleifion a chofnodion eraill mewn gwasanaethau gofal iechyd
• Cyfweld â staff a chleifion.
• Rheoli amser yn effeithiol, gan gynnwys paratoi ar gyfer yr ymweliad arolygu drwy ddarllen adroddiadau gwybodaeth cyn yr arolygiad ac adroddiadau arolygu blaenorol.
• Ymateb i faterion sy'n peri pryder, fel y bo'n briodol, a thrwy drafod â Rheolwr Arolygu AGIC.
• Gwneud arsylwadau ac argymhellion yn seiliedig ar eich barn glinigol a phroffesiynol eich hun, gan ystyried rhesymeg glinigol, safbwyntiau a buddiannau cleifion, ac unrhyw Reoliadau a Safonau perthnasol sydd ar waith.
• Gwneud cofnodion cywir a chynhwysfawr o'ch canfyddiadau yn ystod yr ymweliad, gan ddefnyddio'r adnoddau arolygu, a chyfrannu at y cyfarfod adborth ar ddiwedd yr Arolygiad gan ddefnyddio’r dystiolaeth a gasglwyd. 
• Adolygu a gwneud sylwadau yn ôl yr angen a chyn cyhoeddi adroddiadau arolygu er mwyn sicrhau eu bod yn gywir.
• Cynnal ymweliadau arolygu dilynol byrrach â phwyslais penodol (yn ôl yr angen).
• Dangos parch tuag at amrywiaeth a dinasyddiaeth staff, cleifion ac eraill, a dealltwriaeth ohonynt.
• Mynychu hyfforddiant sefydlu a hyfforddiant arall y cred AGIC ei fod yn angenrheidiol.
• Gweithredu fel llysgennad ar ran AGIC drwy hyrwyddo gwaith yr Arolygiaeth a rhannu arferion gorau.

• Cofrestriad cyfredol perthnasol â'r Cyngor Nyrsio a Bydwreigiaeth.
• O leiaf dair blynedd o brofiad o ymarfer parhaus
• Gwybodaeth a hyfforddiant cyfredol mewn perthynas â Diogelu (oedolion a phlant);  Y Ddeddf Galluedd Meddyliol a Threfniadau Diogelu wrth Amddifadu o Ryddid.
• Tystiolaeth o ddatblygiad proffesiynol parhaus.
• Profiad a dealltwriaeth dda o lywodraethu clinigol gan gynnwys gweithredu a monitro safonau clinigol a phroffesiynol yn effeithiol.
• Profiad o brosesau rheoli risg, gan gynnwys rhoi gwybod am ddigwyddiadau ac ymdrin â chwynion yn effeithiol.
• Sgiliau ysgrifennu adroddiadau.
• Ymrwymiad amlwg i gydraddoldeb ac amrywiaeth.
• Sgiliau rhyngbersonol, cyfathrebu a gwrando rhagorol.
• Ymagwedd broffesiynol iawn sy’n canolbwyntio ar y claf, ynghyd â gwerthoedd cryf o ran gofal diogel, tosturiol sy’n canolbwyntio ar yr unigolyn.
• Sgiliau arsylwi, asesu a dadansoddi rhagorol. 
• Y gallu i weithio'n effeithiol ar eich pen eich hun ac fel rhan o dîm.

• Y gallu i ddefnyddio amrywiaeth o systemau a dyfeisiau TG yn effeithiol ac yn annibynnol. 

   

Meini prawf dymunol

• Yn ymgymryd ag ymarfer clinigol ar hyn o bryd.
• Profiad o ymarfer nyrsio mewn amrywiaeth o leoliadau.
• Tystiolaeth o weithio gyda phobl agored i niwed.
• Gwybodaeth a/neu hyfforddiant cyfredol mewn perthynas â Deddf Iechyd Meddwl 1983; Mesur Iechyd Meddwl (Cymru) 2010; 
• Profiad blaenorol o brosesau arolygu, archwilio a/neu sicrhau ansawdd.
• Gwybodaeth am amcanion a blaenoriaethau AGIC a dealltwriaeth ohonynt.

Bydd adolygwyr cymheiriaid allanol yn meithrin profiad arolygu ac adolygu a byddant yn gwella eu sgiliau dadansoddi, drafftio, gweithio mewn tîm a chyfathrebu. 

Mae gweithio gydag AGIC yn rhoi cyfle i Adolygwyr Cymheiriaid drosglwyddo arferion da i'w meysydd gwaith eu hunain.

Bydd diwrnodau sefydlu a/neu hyfforddiant a gynigir i adolygwyr cymheiriaid yn cael eu neilltuo ar gyfer datblygiad proffesiynol parhaus (DPP).

Mae AGIC yn cydnabod pwysigrwydd datblygu a thyfu ei gweithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn y Gymraeg a'r Saesneg.

Bydd Adolygwyr Cymheiriaid Nyrsys Cofrestredig yn destun gwiriad manylach gan y Gwasanaeth Datgelu a Gwahardd (DBS).

Patrwm Gwaith

Rhoddir cytundeb fframwaith i Adolygwyr Cymheiriaid Nyrsys Anableddau Dysgu Cofrestredig er mwyn darparu gwasanaethau ar sail hyblyg, gan gynnwys gweithio y tu allan i oriau.  O dan y trefniant hwn, nid oes unrhyw rwymedigaeth ar AGIC i gynnig unrhyw aseiniadau ac nid oes unrhyw rwymedigaeth ar Adolygwyr Cymheiriaid Nyrsys Anableddau Dysgu Cofrestredig i dderbyn aseiniadau. Bydd AGIC yn cynnig aseiniadau pan fydd angen gwasanaethau. 

I gael rhagor o wybodaeth, cysylltwch â Thîm Cymorth Arolygiadau AGIC yn AGIC.arolygu@llyw.cymru neu ffoniwch 0300 062 8163.

Cwblhewch y Ffurflen Gais am swydd Adolygydd Cymheiriaid Nyrsys Cofrestredig sydd ar gael ar y wefan a'i chyflwyno drwy e-bost i AGIC.arolygu@llyw.cymru. 

Os oes angen y ffurflen gais arnoch mewn fformat neu iaith wahanol, cysylltwch â ni:

AGIC.arolygu@llyw.cymru

0300 062 8163