Adolygydd Cymheiriaid Nyrsys Practis - Manyleb Swydd

Mae Arolygiaeth Gofal Iechyd Cymru (AGIC) yn rheoleiddio darparwyr Gofal Iechyd Annibynnol ac yn arolygu Gwasanaethau'r GIG yng Nghymru yn erbyn amrywiaeth o safonau, polisïau, canllawiau a rheoliadau er mwyn nodi meysydd y mae angen eu gwella. 

Fel Adolygydd Cymheiriaid Nyrsys Practis, byddwch yn cydweithio ag AGIC i gynnal arolygiadau mewn practisau meddygon teulu a gwasanaethau y tu allan i oriau meddygon teulu ledled Cymru. 

Bydd AGIC yn defnyddio eich gwybodaeth a'ch sgiliau i sicrhau bod ein gwaith yn seiliedig ar ymarfer a phrofiad cyfredol. Bydd eich sgiliau a'ch cymorth yn ein helpu i nodi arferion da ac i atgyfnerthu a rhannu unrhyw feysydd o bryder fel y gall meddygon teulu a byrddau iechyd roi tawelwch meddwl i'r cyhoedd a gwella gwasanaethau i gleifion.

• Gweithio fel rhan o dîm Arolygu, gyda chymorth a chyfarwyddyd gan staff AGIC.
• Teithio ledled Cymru i arolygu'r amgylchedd ffisegol, polisïau/gweithdrefnau, cyfarpar, ardystiadau, cofnodion cleifion a chofnodion eraill mewn gwasanaethau gofal iechyd.
• Cyfweld â staff a chleifion.
• Rheoli amser yn effeithiol, gan gynnwys paratoi ar gyfer yr ymweliad arolygu drwy ddarllen adroddiadau gwybodaeth cyn yr arolygiad ac adroddiadau arolygu blaenorol.
• Ymateb i faterion sy'n peri pryder, fel y bo'n briodol, a thrwy drafod ag Arolygydd Gofal Iechyd AGIC.
• Gwneud arsylwadau ac argymhellion yn seiliedig ar eich barn glinigol a phroffesiynol eich hun, gan ystyried rhesymeg glinigol, safbwyntiau a buddiannau cleifion, ac unrhyw Reoliadau a Safonau perthnasol sydd ar waith.
• Gwneud cofnodion cywir a chynhwysfawr o'ch canfyddiadau yn ystod yr ymweliad, gan ddefnyddio'r adnoddau arolygu, a chyfrannu at y cyfarfod adborth ar ddiwedd yr Arolygiad gan ddefnyddio’r dystiolaeth a gasglwyd.
• Adolygu a gwneud sylwadau yn ôl yr angen a chyn cyhoeddi adroddiadau arolygu er mwyn sicrhau eu bod yn gywir.
• Cynnal ymweliadau arolygu dilynol byrrach â phwyslais penodol (yn ôl yr angen).
• Cymryd rhan yn y broses o greu a diwygio dogfennaeth methodoleg arolygu (yn ôl y gofyn)
• Dangos parch tuag at amrywiaeth a dinasyddiaeth y staff, y cleifion ac eraill, a dealltwriaeth ohonynt.
• Cwblhau hyfforddiant sefydlu a hyfforddiant arall y cred AGIC eu bod yn angenrheidiol.
• Gweithredu fel llysgennad ar ran AGIC drwy hyrwyddo gwaith yr Arolygiaeth a rhannu arferion gorau.

Meini prawf hanfodol

• Gweithio fel rhan o dîm Arolygu, gyda chymorth a chyfarwyddyd gan staff AGIC.
• Teithio ledled Cymru i arolygu'r amgylchedd ffisegol, polisïau/gweithdrefnau, cyfarpar, ardystiadau, cofnodion cleifion a chofnodion eraill mewn gwasanaethau gofal iechyd
• Cyfweld â staff a chleifion.
• Rheoli amser yn effeithiol, gan gynnwys paratoi ar gyfer yr ymweliad arolygu drwy ddarllen adroddiadau gwybodaeth cyn yr arolygiad ac adroddiadau arolygu blaenorol.
• Ymateb i faterion sy'n peri pryder, fel y bo'n briodol, a thrwy drafod ag Arolygydd Gofal Iechyd AGIC. 
• Gwneud arsylwadau ac argymhellion yn seiliedig ar eich barn glinigol a phroffesiynol eich hun, gan ystyried rhesymeg glinigol, safbwyntiau a buddiannau cleifion, ac unrhyw Reoliadau a Safonau perthnasol sydd ar waith.
• Gwneud cofnodion cywir a chynhwysfawr o'ch canfyddiadau yn ystod yr ymweliad, gan ddefnyddio'r adnoddau arolygu, a chyfrannu at y cyfarfod adborth ar ddiwedd yr Arolygiad gan ddefnyddio’r dystiolaeth a gasglwyd. 
• Adolygu a gwneud sylwadau yn ôl yr angen a chyn cyhoeddi adroddiadau arolygu er mwyn sicrhau eu bod yn gywir.
• Cynnal ymweliadau arolygu dilynol byrrach â phwyslais penodol (yn ôl yr angen).
• Cymryd rhan yn y broses o greu a diwygio dogfennaeth methodoleg arolygu (yn ôl y gofyn)
• Dangos parch tuag at amrywiaeth a dinasyddiaeth y staff, y cleifion ac eraill, a dealltwriaeth ohonynt.
• Cwblhau hyfforddiant sefydlu a hyfforddiant arall y cred AGIC eu bod yn angenrheidiol. 
• Gweithredu fel llysgennad ar ran AGIC drwy hyrwyddo gwaith yr Arolygiaeth a rhannu arferion gorau.

Meini prawf dymunol

• Tystiolaeth o weithio gyda phobl agored i niwed.
• Profiad blaenorol o brosesau arolygu, archwilio a/neu sicrhau ansawdd.
• Gwybodaeth am amcanion a blaenoriaethau AGIC a dealltwriaeth ohonynt.

Bydd Adolygwyr Cymheiriaid yn meithrin profiad o arolygu ac adolygu a byddant yn gwella eu sgiliau dadansoddi, drafftio, gweithio mewn tîm a chyfathrebu. 

Mae gweithio gydag AGIC yn rhoi cyfle i Adolygwyr Cymheiriaid drosglwyddo arferion da i'w meysydd gwaith eu hunain.

Mae AGIC yn cydnabod pwysigrwydd datblygu a thyfu ei gweithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn y Gymraeg a'r Saesneg.

Bydd Adolygwyr Cymheiriaid yn destun gwiriad manylach gan y Gwasanaeth Datgelu a Gwahardd (DBS).

Patrwm Gwaith

Rhoddir cytundeb fframwaith i Adolygwyr Cymheiriaid er mwyn darparu gwasanaethau'n hyblyg, gan gynnwys gweithio y tu allan i oriau. O dan y trefniant hwn, nid oes unrhyw rwymedigaeth ar AGIC i gynnig aseiniadau ac nid oes unrhyw rwymedigaeth ar Adolygwyr Cymheiriaid i dderbyn aseiniadau. Bydd AGIC yn cynnig aseiniadau pan fydd angen gwasanaethau. 

I gael rhagor o wybodaeth, cysylltwch â Thîm Cymorth Arolygiadau AGIC yn AGIC.arolygu@llyw.cymru neu ffoniwch 0300 062 8163.

Cwblhewch y ffurflen gais sydd a'i chyflwyno drwy e-bost i AGIC.arolygu@llyw.cymru.

Os oes angen y ffurflen gais arnoch mewn fformat neu iaith wahanol, cysylltwch â ni: AGIC.arolygu@llyw.cymru 0300 062 8163