Adolygydd Cymheiriaid Nyrs Iechyd Meddwl Cofrestredig gyda Phrofiad ECT - Manyleb Swydd

Sefydliad: Arolygiaeth Gofal Iechyd Cymru

Rôl: Adolygydd Cymheiriaid Nyrsys Iechyd Meddwl Cofrestredig

Cyflog: £275 y dydd, a threuliau teithio a chynhaliaeth

Hyd: Tair blynedd gyda'r posibilrwydd o estyniad

Mae Arolygiaeth Gofal Iechyd Cymru (AGIC) yn arolygu gwasanaethau'r GIG ac yn rheoleiddio darparwyr gofal iechyd annibynnol yn erbyn amrywiaeth o safonau, polisïau, canllawiau a rheoliadau er mwyn nodi meysydd y mae angen eu gwella.

Rydym yn defnyddio Adolygwyr Cymheiriaid Nyrsys Iechyd Meddwl Cofrestredig ar draws amrywiaeth o'n gweithgareddau, gan gynnwys arolygu, adolygu ac ymchwilio i wasanaethau Gofal Iechyd Annibynnol a gwasanaethau'r GIG ledled Cymru. Mae'r rhain yn cynnwys y canlynol, ymhlith eraill:

• Arolygiadau o Ysbytai Acíwt ac Ysbytai Cymunedol y GIG
• Arolygiadau o Wasanaethau Gofal Iechyd Annibynnol
• Arolygiadau o Unedau Iechyd Meddwl
• Arolygiadau o Wasanaethau Anableddau Dysgu
• Ymweliadau Cofrestru â Gwasanaethau Gofal Iechyd Annibynnol
• Adolygiadau Arbennig a Thematig

Rydym yn recriwtio Nyrsys Iechyd Meddwl Cofrestredig gyda phrofiad arbenigol o Therapi Electrogynhyrfol (ECT).

Bydd AGIC yn defnyddio eich gwybodaeth a'ch sgiliau i sicrhau bod ein gwaith yn seiliedig ar ymarfer a phrofiad cyfredol. Mae hyn yn ein helpu i amlygu ymarfer da ac i atgyfnerthu a rhannu safonau gofal iechyd o fewn y GIG a'r Sector Gofal Iechyd Annibynnol er mwyn rhoi sicrwydd i'r cyhoedd a gwella gwasanaethau i gleifion.

• Gweithio fel rhan o dîm Arolygu, gyda chymorth a chyfarwyddyd gan staff AGIC.
• Teithio ledled Cymru i arolygu'r amgylchedd ffisegol, polisïau/gweithdrefnau, cyfarpar, ardystiadau, cofnodion cleifion a chofnodion eraill mewn gwasanaethau gofal iechyd
• Cyfweld â staff a chleifion.
• Rheoli amser yn effeithiol, gan gynnwys paratoi ar gyfer yr ymweliad arolygu drwy ddarllen adroddiadau gwybodaeth cyn yr arolygiad ac adroddiadau arolygu blaenorol.
• Ymateb i faterion sy'n peri pryder, fel y bo'n briodol, a thrwy drafod â Rheolwr Arolygu AGIC.
• Gwneud arsylwadau ac argymhellion yn seiliedig ar eich barn glinigol a phroffesiynol eich hun, gan ystyried rhesymeg glinigol, safbwyntiau a buddiannau cleifion, ac unrhyw Reoliadau a Safonau perthnasol sydd ar waith.
• Gwneud cofnodion cywir a chynhwysfawr o'ch canfyddiadau yn ystod yr ymweliad, gan ddefnyddio'r adnoddau arolygu, a chyfrannu at y cyfarfod adborth ar ddiwedd yr Arolygiad gan ddefnyddio’r dystiolaeth a gasglwyd. 
• Adolygu a gwneud sylwadau yn ôl yr angen a chyn cyhoeddi adroddiadau arolygu er mwyn sicrhau eu bod yn gywir.
• Cynnal ymweliadau arolygu dilynol byrrach â phwyslais penodol (yn ôl yr angen).
• Dangos parch tuag at amrywiaeth a dinasyddiaeth staff, cleifion ac eraill, a dealltwriaeth ohonynt.
• Mynychu hyfforddiant sefydlu a hyfforddiant arall y cred AGIC ei fod yn angenrheidiol.
• Gweithredu fel llysgennad ar ran AGIC drwy hyrwyddo gwaith yr Arolygiaeth a rhannu arferion gorau.

Meini Prawf Hanfodol 

• Cofrestriad cyfredol a pherthnasol â'r Cyngor Nyrsio a Bydwreigiaeth. 
• O leiaf dair blynedd o brofiad o ymarfer clinigol parhaus. 
• Gwybodaeth a hyfforddiant cyfredol mewn perthynas â Deddf Iechyd Meddwl 1983 a'r Cod Ymarfer cysylltiedig, Diogelu (oedolion a phlant), y Ddeddf Galluedd Meddyliol a'r Trefniadau Diogelu wrth Amddifadu o Ryddid.
• Profiad arbenigol o ddarparu a rheoli Therapi Electrogynhyrfol (ECT).
• Tystiolaeth o ddatblygiad proffesiynol parhaus.
• Profiad a dealltwriaeth dda o lywodraethu clinigol gan gynnwys gweithredu a monitro safonau clinigol a phroffesiynol yn effeithiol.
• Profiad o brosesau rheoli risg, gan gynnwys rhoi gwybod am ddigwyddiadau ac ymdrin â chwynion yn effeithiol.
• Sgiliau ysgrifennu adroddiadau.
• Ymrwymiad amlwg i gydraddoldeb ac amrywiaeth.
• Sgiliau rhyngbersonol, cyfathrebu a gwrando rhagorol.
• Ymagwedd broffesiynol iawn sy’n canolbwyntio ar y claf, ynghyd â gwerthoedd cryf o ran gofal diogel, tosturiol sy’n canolbwyntio ar yr unigolyn.
• Sgiliau arsylwi, asesu a dadansoddi rhagorol. 
• Y gallu i weithio'n effeithiol ar eich pen eich hun ac fel rhan o dîm.
• Y gallu i ddefnyddio amrywiaeth o systemau a dyfeisiau TG yn effeithiol ac yn annibynnol. 

Meini Prawf Dymunol

• Yn ymgymryd ag ymarfer clinigol ar hyn o bryd.
• Profiad o ymarfer nyrsio mewn amrywiaeth o leoliadau.
• Tystiolaeth o weithio gyda phobl agored i niwed.
• Profiad blaenorol o brosesau arolygu, archwilio a/neu sicrhau ansawdd.
• Gwybodaeth am amcanion a blaenoriaethau AGIC a dealltwriaeth ohonynt.

Bydd Adolygwyr Cymheiriaid yn meithrin profiad gwerthfawr o brosesau arolygu ac adolygu, wrth iddynt wella eu sgiliau dadansoddi, drafftio, gweithio mewn tîm a chyfathrebu.

Mae gweithio gydag AGIC yn cynnig cyfle i Adolygwyr Cymheiriaid drosglwyddo'r arferion gorau i'w sefydliadau eu hunain.

Er mwyn cefnogi'r rôl hon, bydd Adolygwyr Cymheiriaid yn cael hyfforddiant sefydlu, diwrnodau hyfforddiant penodedig a sesiynau sgwrsio rheolaidd, a fydd oll yn cyfrannu at eu Datblygiad Proffesiynol Parhaus (DPP).

Mae Arolygiaeth Gofal Iechyd Cymru (AGIC) yn cydnabod gwerth datblygu ac atgyfnerthu ei gweithlu dwyieithog. Rydym yn croesawu ceisiadau gan ymgeiswyr a all ddangos eu bod yn gallu gweithio'n hyderus yn Gymraeg ac yn Saesneg.

Bydd Adolygwyr Cymheiriaid yn destun gwiriad manylach gan y Gwasanaeth Datgelu a Gwahardd (DBS). 

Patrwm Gwaith

Bydd Adolygwyr Cymheiriaid yn cael eu cyflogi o dan drefniant fframwaith, sy'n caniatáu i wasanaethau gael eu darparu mewn ffordd hyblyg, gan gynnwys gweithio y tu allan i oriau. O dan y trefniant hwn, nid oes unrhyw rwymedigaeth ar AGIC i gynnig aseiniadau ac nid oes unrhyw rwymedigaeth ar Adolygwyr Cymheiriaid i'w derbyn. Caiff aseiniadau eu cynnig gan AGIC pan fydd angen y gwasanaethau hynny.

Cwblhewch y ffurflen gais sydd ar y wefan a'i chyflwyno drwy e-bost i AGIC.arolygu@llyw.cymru. 

Os oes angen y ffurflen gais arnoch mewn fformat neu iaith wahanol, cysylltwch â ni:

AGIC.arolygu@llyw.cymru 

0300 062 8163