Gwasanaethau iechyd meddwl

Sut rydym yn arolygu 

Rydym yn ystyried a yw gwasanaethau iechyd meddwl annibynnol yn gwneud y canlynol:

• Cyrraedd y Safonau Gofynnol Cenedlaethol ar gyfer Gwasanaethau Gofal Iechyd Annibynnol yng Nghymru
• Cydymffurfio â Deddf Safonau Gofal 2000
• Cydymffurfio â Rheoliadau Gofal Iechyd Annibynnol (Cymru) 2011
• Cydymffurfio â Deddf Iechyd Meddwl 1983, Deddf Galluedd Meddyliol 2005, Mesur Iechyd Meddwl (Cymru) 2010 a'r trefniadau ar gyfer gweithredu'r Trefniadau Diogelu wrth Amddifadu o Ryddid
• Cyrraedd safonau proffesiynol perthnasol eraill a gweithredu'n unol â chanllawiau proffesiynol perthnasol eraill lle y bo'n gymwys

Fel arfer, arolygiadau dirybudd a gynhelir o wasanaethau iechyd meddwl. Mae hyn yn ein galluogi i weld y gwasanaethau fel maent yn gweithredu fel arfer. Ni chaiff y gwasanaeth unrhyw rybudd ymlaen llaw am arolygiad dirybudd.

Cynhelir ein harolygiadau gan o leiaf un arolygydd o AGIC, adolygydd allanol (sydd â phrofiad proffesiynol perthnasol) ac adolygydd profiad y claf (i siarad â chleifion am eu profiadau o gael gofal).

Cyhoeddir canfyddiadau ein harolygiadau ar ein gwefan.

Mae'r ddogfen ganlynol yn rhoi arweiniad ar yr hyn y byddwn yn ei ystyried yn ystod arolygiad. Os hoffech gopi o'n llyfr gwaith arolygu, cysylltwch ag AGIC.arolygu@llyw.cymru gan nodi pa fath o lyfr gwaith arolygu sydd ei angen arnoch.