Uwch-reolwr Tîm Clinigol – Iechyd Meddwl (SEO) - Eilio

Mae hwn yn gyfle unigryw a gwerthfawr i dreulio amser yn gweithio gydag Arolygiaeth Gofal Iechyd Cymru (AGIC), gan feithrin dealltwriaeth o'i rôl a'i gweithgareddau mewn perthynas â chraffu ar wasanaethau iechyd meddwl. Mae hyn yn cynnwys cyfrifoldebau unigryw AGIC o dan y Ddeddf Iechyd Meddwl (1983). 

Mae cwmpas y rôl – sef cydlynu'r broses o recriwtio adolygwyr cymheiriaid, cefnogi mentrau sicrhau ansawdd, a dirprwyo ar ran uwch-arweinwyr clinigol - yn cynnig profiad cyfoethog ac amrywiol a fyddai'n gwella gwybodaeth strategol unigolyn, ei allu i arwain a'i ddealltwriaeth weithredol yn sylweddol. 

Caiff y secondiad ei gynnig am gyfnod o flwyddyn ac mae'n gyfle i rywun ymgymryd â rôl uwch gan ddatblygu rhwydweithiau cryf ym mhob rhan o'r sefydliad. Byddai'n brofiad gwerth chweil ac yn cynnig her broffesiynol i'r ymgeisydd cywir.

Sut i wneud cais

Os ydych yn frwd dros wneud gwahaniaeth ym maes gofal iechyd ac yn bodloni'r meini prawf a amlinellir uchod, hoffem glywed gennych. Cyflwynwch eich datganiad o ddiddordeb dros e-bost at John.Powell@llyw.cymru (Pennaeth Iechyd Meddwl – Cyngor Clinigol) erbyn Dydd Llun 6 Hydref 2025.