Mae pobl wrth wraidd yr hyn rydym yn ei wneud ac fel rhan o'n hymrwymiad i ddeall anghenion pobl yn well, rydym am glywed yn uniongyrchol gan bobl a chymunedau amrywiol ledled Cymru.
Credwn mewn gweithio gydag eraill i wella ansawdd gwasanaethau gofal iechyd yng Nghymru. Rydym am ddeall mwy am grwpiau amrywiol, er mwyn sicrhau bod ein gwaith yn ystyried y materion sy'n effeithio ar ansawdd y gwasanaethau gofal iechyd a ddarperir.
Bydd diben Grŵp Cynghori Rhanddeiliaid AGIC yn dylanwadu ar y ffordd rydym yn gwneud ein gwaith mewn perthynas â chydraddoldeb, amrywiaeth a chynhwysiant. Bydd gan grŵp gynrychiolaeth amrywiol er mwyn cynghori a llywio ein cynlluniau a'n ffrydiau gwaith.
Rydym yn cydnabod effaith wrthgyfartal gofal iechyd, lle y mae'r rheini â'r angen mwyaf yn aml yn dod o'r cefndiroedd mwyaf difreintiedig yn ein cymunedau. Nod ein strategaeth yw asesu ansawdd a hygyrchedd gofal iechyd i bawb ledled Cymru.
Drwy'r grŵp hwn, ein nod yw datblygu a meithrin ein dealltwriaeth o gymunedau amrywiol, gan weithio tuag at nod a rennir o lywio gwelliannau ym maes gofal iechyd.
Aelodau'r Grŵp
Triniaeth Deg i Fenywod Cymru (FTWW)
Sefydliad Cenedlaethol Brenhinol Pobl Ddall (RNIB)
Sefydliad Cenedlaethol Brenhinol Pobl Fyddar (RNID)
Asiantaeth Adfer Caethiwed (ARA)
Os hoffech fwy o wybodaeth, cysylltwch â: AGIC.cyfathrebu@llyw.cymru