Canslo Cofrestriad ar gyfer Practis Deintyddol Preifat ar Ynys Môn

Gwnaeth yr arolygiad, a gynhaliwyd ar 11 Chwefror 2025, nodi meysydd o ddiffyg cydymffurfio sylweddol â'r Rheoliadau Deintyddiaeth Breifat. Roedd y rhain yn cynnwys pryderon difrifol yn ymwneud â diogelwch tân, cynnal a chadw cyfarpar, diogelu a llywodraethu clinigol. 

Yn dilyn yr arolygiad, cyhoeddodd AGIC Hysbysiad o Ddiffyg Cydymffurfio ac yn ddiweddarach Hysbysiad o Fwriad i ganslo cofrestriad y practis. Methodd y darparwr â dangos digon o welliant na darparu'r sicrwydd angenrheidiol. O ganlyniad, cyhoeddwyd Hysbysiad o Benderfyniad ar 5 Mehefin 2025 i ganslo'r cofrestriad. 

Nid yw'r practis wedi'i gofrestru mwyach i ddarparu gwasanaethau deintyddiaeth breifat ac mae wedi cau. 

Mae AGIC yn parhau i fod yn ymrwymedig i sicrhau bod pob darparwr gofal iechyd yng Nghymru yn cyrraedd y safonau gofynnol. Cymerwn gamau gorfodi pan fydd angen er mwyn diogelu cleifion a chynnal ansawdd a diogelwch y gofal.